Гісторыя
Вераб’евіцкая сярэдняя школа была пабудавана і адчынена ў 1957 годзе. За гэты час яе скончыла больш за 1227 выпускнікоў. Першым яе дырэктарам быў Вайтовіч Віктар Міхайлавіч. З 1959 па 1989 год працаваў дырэктарам Калала Яўген Антонавіч, выдатнік асветы БССР. У 1989 – 2006 гадах дырэктарам школы была Валенцюкевіч Валянціна Іванаўна. З 2006 года кіраўніком школы працавала Казловіч Іна Іванаўна. З 2012 года педагагічны калектыў узначальваў Драніца Аляксандр Валянцінавіч. З 2017 года дырэктар школы Радчанка Вольга Ўладзіміраўна. З 2020 года дырэктар установы - Палазок Ігар Мікалаевіч. За гэты час у школе працавала 85 настаўнікаў.
У будынку школы знаходзіцца гісторыка-краязнаўчы музей, які месціцца ў двух пакоях. Музейны пакой быў заснаваны яшчэ ў 1961 годзе настаўнікам гісторыі Вінарам Андрэем Мікалаевічам. 1 снежня 2007 года музейны пакой набыў статус школьнага музея.
У школьным музеі прадстаўлены здабыткі гістарычнай, этнаграфічнай і культурнай спадчыны нашай мясцовасці, якія тычацца тэрыторыі зямель Асташынскага сельскага савета. Музей налічвае больш 700 экспанатаў.
